Te Whakamihi i Ngā Kaiako Pukenga Rawa
Kua tuwhera te tuku kōpaki ināianei.
If you would like to view this page in English, please click here.
Mēnā kua pōwhiritia koe kia tuku i tētahi kōpaki mō te Tautuhi Kaiako Whai Pūkenga Akomanga Tautōhito (ACET), anei e whai ake nei ngā tuhinga me mātua whakaoti mō ngā whakaritenga:
- Puka Kōpaki
- Aratohu Kōpaki mō te Kaiako
- Aratohu Kōpaki mō te Tumuaki
- Ngā Pātai auau
Te wātaka o ngā whakaritenga mō te whakauru kia tautuhitia hei Kaiako Whai Pūkenga Akomanga Tautōhito.
- 6 Akuhata 2018: Ka kati ngā tāpaetanga kōpaki.
- 11 Oketopa 2018: Ka whakamōhiotia ngā kaiako mō ngā whakatau e pā ana ki ā rātou kōpaki.
- 28 Hanuere 2019 Ko te tuatahi o ngā utu tāpui.
Mō te Tautuhi Kaiako Whai Pūkenga Akomanga Tautōhito
Hei tautuhi i te mahi whakaako kairangi i ngā kura tuatahi, i whakaurua te pūtea Kaiako Whai Pūkenga Akomanga Tautōhito hei wāhanga o te Kirimana Tōpū mō ngā Kaiako Kura Tuatahi 2013-2015 (PTCA).
Ka haere te tautuhitanga ACET i raro i ngā paearu mō te āheinga, me te ngaiotanga, i whakaaetia i waenga i te Tāhuhu o Te Mātauranga me Te Riu Roa hei wāhanga o taua kirimana.
Tata tonu ki te 800 ngā kaiako kura tuatahi ka āhei kia tautuhitia hei ACET. He kaiako ēnei ka āhei i raro i ngā paearu āheinga i roto i te PTCA, i te Kirimana Whiwhinga Mahi Takitahi (IEA) rānei e hāngai ana, ka taea hoki te whakaatu kei runga atu ā rātou mahi whakaako i ngā paerewa mō ngā Kaiako Tautōhito i roto i te Anga Tārewa mō ngā Paerewa Ngaio mō ngā Kaiako (tāpiritanga 3 o te PTCA, o te IEA rānei e hāngai ana).
Whiwhi ai te ACET he utu tāpui, he $5,000 te nui mō te tau, ā, ka utua i ia rua wiki, mai i te 28 Hanuere 2019.
Ngā paearu ngaio
Ka pōwhiritia ngā kaiako kia tuku i tētahi kōpaki hei whakaatu kua tutuki i a rātou ngā paearu ngaio e whakaaetia ana i raro iho nei.
Me āta whakaū e te tumuaki he whakaahua pono te kōpaki mō ngā mahi i te akomanga, me ana mahi whakaako ngaio. Ka tukua mai hoki e te tumuaki he tūtohu i runga anō i te āhua o te kōpaki.
- He whakaakoranga tino teitei kē ake i ngā paerewa ngaio mō ngā Kaiako Tautōhito. Me homai hoki he taunakitanga mō āna mahi whakaako e whakaaturia ai te waihanga, te auaha, me te whanaketanga mau tonu, i ahu mai i tōna pūtake i ao rangahau me ngā ariā mātauranga, tae atu ki tōna tātaritanga tōtika o te akoranga o te tamariki.
- Me whakaatu mārire i ngā putanga ako whai take mō ngā ākonga katoa, me puta hoki ētahi kōrero motuhake mō te whakatutukitanga hiahia o ngā ākonga i āta tohua hei 'ākonga ka aronuitia' i roto i ngā kaupapa here kāwanatanga. E hiahiatia ana anō hoki he taunakitanga mō te putanga ako whai take mō te akonga e hāngai ana ki te New Zealand Curriculum, ki te Marautanga o Aotearoa rānei, mā te whai whakaaro, me te whakamahere mō ngā hiahia ako o ngā tamariki katoa.
- Waihoki, kia tutuki ia rārangi o ēnei e whai ake nei:
- He tino tiketike te whakamahi i ngā taunakitanga me te rangahau hei puna mō ngā whakaakoranga
Me mātua takoto ngā puna taunakitanga me te rangahau i whirinakitia ai hei puna, hei whakapiki hoki i ngā mahi whakaako. Me puta hoki he hononga mārama i waenga i ngā ariā me tōna hoatutanga ki roto i te mahi whakaako. Me noho mai hoki he taunakitanga e kitea ai i pēhea tōna whanaketanga i te mahi whakaako a te kaiako
- Kei runga atu te tuitui tāngata i ngā whānau hei whakapiki i ngā putanga ako mō ā rātou tamariki
E hiahiatia ana he taunakitanga mō te takatika o ngā mahi, me te tuitui tāngata kia whai take ki ngā whānau, e tautokona ai te akoranga o te tauira
- Te arataki i te whakapakaritanga whakaako i waenga i ngā hoa ngaio
E hiahiatia ana he taunakitanga mō ngā here ngaio pakari i waenga i ōna hoa mahi, e kitea ai kei te arataki ia i roto i ngā mahi whakaako
- Kei runga atu ngā akoranga ngaio mau tonu, me te whakawhanaketanga
E hiahiatia ana he taunakitanga mō te akoranga ngaio mau tonu me te whanaketanga, hei wāhi o tētahi tukanga arohaehae auau i roto i te kura.
Te tuku i te kōpaki
Me tuku ngā kōpaki mā te mēra, mā te karere rānei, ā, me puta hoki te rā 6 Ākuhata 2018, he rā i mua mai rānei, i te tohu poutāpeta.
Tukua mā te karere ki: |
Tukua mā te karere ki: |
ACET Recognition Ministry of Education Mātauranga House Level 5, 33 Bowen Street Wellington 6011
|
ACET Recognition Ministry of Education PO Box 1666 Wellington 6140 |
Ka tukua atu e te rōpū o ACET tāna īmēra hei whakamōhio i ngā kaiako kua tae mai tā rātou kōpaki.
Ngā taipitopito whakapā
Hei whakapā mai ki te tīma tautuhi ACET i Ākona a Aotearoa, waea mai ki 0800 165 225, īmēra mai rānei ki acet.recognition@education.govt.nz.