Tahua Ako Mātauranga Reorua

Ko tā te Tahua Ako Mātauranga Reorua he tuku huarahi mā te kaiako, mā te tumuaki rānei ki te whakapiki i tōna mātau ki te reo Māori me ōna tikanga me ōna pūkenga hei kaiako arareo Māori.

Ko tā te tahua ako he tuku whakamatuatanga ako me te utu i te taha mō te tau kotahi, me tētahi pūtea āwhina piki atu tōna rahi ki te $2000 mō ngā utu akoranga. Ka whiwhi tonu koe i tō utu ā-tau mō te roanga o te wā whakamatuatanga. Me mātua kōrero koe ki tō tumuaki mō ngā pikinga utu me ngā utu tāpui mēnā ka whiwhi tonu koe i ēnei mō te wā whakamatuatanga. Ko tā te tahua ako anō he tuku pūtea hei utu kairīwhi i tō kura, tō kura kōhungahunga rānei mō te wā o tō whakamatuatanga.

18 ngā tahua wā kikī te rite (FTTE) tahua ako e wātea mai ana mō ngā kaiako me ngā tumuaki kei roto i ngā whakaakoranga kōhungahunga, kura tuatahi, kura tuarua rānei.

Mēnā e whakaaro ana ki te tono i te Tahua Ako Mātauranga Māori, me tuku hei tono motuhake.

Ka taea rānei e au te tono i te Tahua Ako Mātauranga Reorua?

Mēnā e hiahia ana koe ki te tono mō tētahi tahua ako Mātauranga Reorua, ko te tikanga:

• kua whiwhi rēhita tūturu koe hei kaiako kura kōhungahunga, kura tuatahi, tuarua rānei
• he tūranga pūmau tō tūranga i roto i ngā arareo Māori, arā he rumaki, he reorua rānei i tētahi kōhanga Reo, puna kōhungahunga, puna reo, ratonga ECE whai raihana, i tētahi kura kāwanatanga, kurā tōpū ā-kāwanatanga rānei  
• kua mātau, kua matatau rānei koe ki te reo Māori
• kua mahi kē koe i roto i ngā whakaakoranga ara rumaki reo, reorua rānei
• e ū ana tō ngākau ki te whakatipu pūkenga reo Māori, mōhiotanga tikanga Māori hoki
• he kōrero taunaki kei roto i tō tono hei whakaatu i te whakaaetanga me te tautoko mai o tō kaitukumahi.

Mō te tau 2019, ko te hunga ka tino hiahiatia ko ngā kaiako me ngā tumuaki e mahi ana i ngā whakaakoranga rumaki reo taumata 1 (81-100% o te wā whakamahi i te reo Māori) me taumata 2 (51-80% o te wā whakamahi i te reo Māori).

Mēnā he kaimahi hangere koe, ka taea tonu e koe te tono i tētahi tahua ako, engari me tutuki i a koe ngā tikanga whakauru. Ka rite tō tahua kia hāngai ki tō momo tūranga mahi. (FTTE). Arā ētahi ara ngāwari ka taea mō te wā whakamatuatanga, nō reira me whakamōhio i tō kaitukumahi ki ōna pānga ki tō wā whakaako.

Mēnā kāore anō tō rēhitatanga kia whakaūngia, ka taea e koe te tono mehemea ka tūturu tō rēhitatanga i mua i te Hakihea i mua mai i te tīmatanga o tō akoranga.  Mēnā ka rerekē te āhua o tō rēhitatanga me whakamōhio mai ki a mātou.

Mehemea he Kaiako Tautoko: Te Ako me te Whanonga (RTLB), e mahi ana ki ētahi kura torutoru, me pātai koe ki te tumuaki, ki te poari kaitiaki rānei o tō kura matua kia tautoko mai rātou i tō tono. 

Ka taea e koe te tono i te tohu kotahi neke atu rānei i roto i te tau, arā, te whakaoti i tō tohu tāura me te tīmata i tētahi tohu paerua. Māu tonu e tuku kōrero mō ngā akoranga e rua i roto i tō mahere ako.

Ka taea tō akoranga te panoni i muri i te tuku i tō tono, engari kia iti noa iho ngā panonitanga. Me mātua whakamōhio i a mātou mā te tuhi mai hei whakamārama i te take e panoni ai tō hiahia, ā, kia whakaaetia rawatia.

Ngā paearu aromatawai

Ka aromatawaitia tō tono ki ngā paearu e whai ake nei:

• Te ōrautanga o te wā ka whakapaungia ki te whakaako i roto i te akomanga rumaki reo Māori
• Ngā painga tērā ka puta ki ō ākonga i tō akoranga, otirā, i te reo Māori me ngā tikanga Māori
• Te kounga o tō tono me tō mahere ako
• Ngā wā whakamatuatanga whai tautoko o mua, pērā i ngā tahua ako, ngā momo wā whakamatuatanga ako, tohu nui rānei.

Ko ngā kaitono ka paingia ko ngā tāngata kāore anō kia whiwhi whakamatuatanga ako i ngā tau e rima o mua, heoi, ka tirohia ngā akoranga e whakaotingia ai tētahi tohu mātauranga. 

Whakapā mai

Mēnā he pātai āu, whakapā atu ki TeachNZ mā te waea 0800 165 225 mā te īmēra ki teacher.studyawards@education.govt.nz.