Ngā Karahipi Panoni Mahi (Kura Tuarua)

Kua kati ngā karahipi Panoni Mahi a TeachNZ 2018 ināianei.

Ka kati ngā Karahipi Panoni Mahi Kura Tuarua a Akona a Aotearoa 2018, ā te Mane 9 Hiringa-ā-nuku 2017.

Tērā pea ka tīni ngā karahipi a TeachNZ ia tau, ia tau, tae atu ki ngā wāhanga, ngā momo karahipi, me te nui o ngā karahipi e wātea ana.

Tēnā, tirohia te ripanga karahipi i te paetukutuku o TeachNZ hei te marama o Mahuru kia whiwhi mōhiohio hou e pā ana ki ngā karahipi e wātea ana mō te tau 2018.

Mēnā kei te whakaaro koe ki te tono, mā mātou hoki koe e āwhina i mua i te whakaoti haere i tō tono. Mō ētahi atu kōrero me pāwhiri ki konei.

Kia mōhio mai: Ehara i te mea kia whakaurua kētia e koe tētahi kaupapa whakangungu kaiako kua whakaaetia i te wā o tō tono i tētahi karahipi Akona Aotearoa.

E pā ana ngā mōhiohio i raro nei ki Ngā Karahipi Panoni Mahi a TeachNZ 2018.

E wātea ana ēnei karahipi ki ngā tāngata he mōhio, he matatau rānei ki te reo Māori, he hohonu āna wheako ā-ao, ā-mahi hoki, e whai ana ki te panoni i ana mahi kia mahi hei kaiako kura tuarua, he Mana Whāiti rānei tōna ki te Whakaako, me te hiahia ki te whai i te mātauranga kia riri i a ia tōna tohu kaiako.

E rua ngā momo karahipi e wātea ana:

• Tipu Whakarito Te Reo Māori – mō te hunga e hiahia ana ki te whakaako i te reo Māori hei kaupapa i ngā kura tuarua.
• Te Waka Whakarei – mō te hunga e hiahia ana ki te whakaako kaupapa kura tuarua i te reo Māori ki te wharekura.

Mā ngā karahipi e whiwhi tautoko ā-pūtea te tangata i a ia e whai ana i te tohu whakaako.

E wātea noa ana tēnei karahipi ki ngā tāngata e whakauru ana ki tētahi Tītohu Paetahi/Tohu Paerua Whakaakoranga Kura Tuarua whaimana hei te tīmatatanga o te tau mātauranga 2018.

Kei te hiahia āwhina?

Mō ētahi atu kōrero, tirohia te whārangi Ngā Karahipi: Ngā Pātai Auau.

Me maumahara, kei konei mātou hei ringa āwhina. Mēnā he pātai āu, īmēra mai ki a mātou teachnz.admin@education.govt.nz;waea mai rānei i ngā haora mahi i 0800 165 225.