TeachNZ Scholarships - Te Reo Māori

Kua tuwhera ngā Tono mō te Rauna Tuatahi o te kaupapa o ngā Karahipi TeachNZ 2021!

Ka tautoko ā mātou karahipi i a koe i runga i tō haerenga kia puta hei kaiako pai rawa. Mā mātou te taha ki ō utu whakaakoranga e utu, ā, ka hoatu hoki he tahua mō te roanga o tō akoranga.

Kaupapa 2021

Ka taea e koe te tono mō tētahi Karahipi TeachNZ 2021 mai i 24th August 2020.

Mēnā e whai ana koe ki te whakauru, kua whakauru kē rānei ki tētahi Whakaakoranga Kaiako Tuatahi  - e māraurau ana koe ki te tono mō tētahi o ā mātou karahipi e rima.

Ahakoa he tāura koe, he tauira tohu paetohu rānei, he tauira whakarere kura, he tangata panoni ara mahi, e ngākaunui ana ki te whakaako i roto i tētahi kura kōhungahunga, kura tuatahi, kura tuarua, whakaakoranga rumaki reo rānei, he tino rawe ngā kōwhiringa e wātea ana ki a koe.

Kei te ripanga i raro nei ngā kōrero mō ngā karahipi e wātea ana i tēnei tau – he mea kapi i ngā whakaakoranga kōhungahunga, kura tuatahi, kura tuarua, rumaki reo hoki.

Round 1 Scholarship Table

Te Tono

Kia tono koe mō tētahi karahipi me mātua whakaoti e koe te puka tono tuihono. Ka taea e koe te whakaoti i tētahi rauna tono mā te huaki i te hononga kei te taha matau o tēnei whārangi.

Ka taea e koe te tono mō ngā karahipi maha, engari kotahi anake te mea ka whakawhiwhia. E wātea ana he kōwhiringa wā hangere. Mēnā kua oti i a koe tētahi Whakaakoranga Kaiako Tuatahi i ngā tau ki mua, ā, kua whiwhi rānei koe i tētahi Karahipi TeachNZ, kāore e taea e koe tētahi o ngā karahipi e wātea ana.

Ka tirohia, ā, ka whakatauria hoki e Matatū Aotearoa ngā tohu whakaako kua whakaaetia. Tērā e whakahoutia i roanga o te tau. Kia mōhio koe ko ēhea ngā Whakaakoranga Kaiako Tuatahi kua whakaaetia, me tirotiro i te aratohu karahipi.

Mēnā e pono ana kua whakaurua koe ki tētahi whakaakoranga e tika ana mō tēnei karahipi me whakapā atu koe ki TeachNZ.

E toru ngā rauna tono kia whai wāhi tonu koe ki te tono – ki te tono anō inā kāore tō tono o mua i waimarie. Me tāpae atu tō tono i mua, i te rā kati rānei mō te rauna tono. Mēnā ka tāpaetia he tono tika, ka aromatawaitia e tētahi paepae motuhake, arā, he mātanga mātauranga ōna tāngata. I te rā whakaaturanga o te rauna tono, ka whakamōhiotia koe mēnā i waimarie tō tono, kāore rānei. Kei ngā āhuatanga o te wā te tikanga mēnā ka hīkina te rā whakaaturanga ki mua, ki muri rānei. Ki te pērā ka whakapā atu a TeachNZ ki a koe.

Nā runga i te kaha o te hiahia ki te karahipi Te Huawhiti Panoni Ara Mahi, Te Huarau me te karahipi Kupe, ko te whakaaro ia ka tuwhera te tuatorutanga o ngā rauna tono  ki ngā kaitono e whakauru weherua-tau ana hei tīmata i te tau tuatahi o te akoranga.

 Round 1 Scholarship Dates


Kei te mōhio mātau he mahi nui te whakaoti i te puka tono mō ētahi. Kei konei tō mātou tīma hei āwhina, arā anō tā mātou paetukutuku me te aratohu karahipi, e mātua whakarite ai kia pai rawa te tono ka tāpaetia e koe.

He mea tuwhera noa te kaupapa nei, me kī ko te kaitono tū kaha, ko ia ka whiwhi. Ki TeachNZ ko te āhua o te tū kaha kei kō atu i te tutukitanga akoranga. E aronui ana hoki te kaupapa nei ki te ngākaunui, te arataki, te pai ki whakawhiti kōrero, ngā wheako tonu, ā, e whakanui ana hoki i āheinga ahurea Māori, Pasifika hoki me ngā pūkenga reo.

Ka aromātai te paepae aromatawai i ia tono ki ētahi paearu. Ka tirohia hoki e rātou e pēhea e whakapuakina ai e te kaitono ōna pūkenga tūhonohono, kōtuitui tāngata hoki, ōna pūkenga whakawhiti kōrero, te taha arataki, te take e hiahia ana ia ki te haere hei kaiako me ngā āheinga ahurea. Atu i ēnei āhuatanga, ka tirohia e te paepae aromatawai i te hāngai o te tono ki ngā whāinga o te kaupapa karahipi nei.

Ō Mātou Whāinga

E hāngai nei te kaupapa karahipi a TeachNZ ki tā te Tāhuhu o te Mātauranga whāinga kia waihanga i te pūnaha mātauranga e tuku ana i ngā huanga ōrite, hiranga hoki mō te katoa.

E toru ngā kawenga o te kaupapa karahipi a TeachNZ hei koha māna ki ngā huanga ōrite, huanga hiranga hoki.

  1. He hāpai kia ōrite te whai huarahi atu ki te mahi whakaako mā te whai kia iti ngā tauārai matua e aukati nei i ētahi tāngata i Aotearoa ki te uru ki te Whakaakoranga Kaiako Tuatahi.
  2. He whakatau i te ōritetanga mā te tautoko i ngā tāngata nō ērā hapori kua kore nei i whai hua i te pūnaha mātauranga i ngā wā o mua ki te tīmata i tētahi Whakaakoranga Kaiako Tuatahi, ki te whakatipu ohumahi hoki e whakaata mai ana i ngā momo ākonga.
  3. He tautoko i te pūnaha ki te tuku huanga hiranga mā te whakatau i te kaiako tika ki te wāhi tika. Hei tauira: kua whakaritea ngā paearu karahipi hei whakatau i ērā wāhanga kua kite he kaha hiahia ana i ngā kaiako, pērā i:
    • ngā kaupapa ako, arā, Pūtaiao, Hangarau, Pāngarau, Te Reo Māori
    • ngā rāngai, arā, te Ako Kōhungahunga, Kura Tuarua, Arareo Māori

Kia mātua whakarite ka piriponotia ēnei whāinga, ka hoatu he mōtū pai, he māka pai hoki ki ngā tono e tautoko ana i aua whāinga. Tērā anō ētahi karahipi ka tiakina kia tukua ki ngā kaitono e hiahia ana ki te mahi hei kaiako i roto i ngā wāhi he tino uaua te kimi kaiako mō reira.

E whai tonu ana mātou ki te hāpai i te whakarauoratanga o te reo me te whakanui i ngā kaiarataki mō āpōpō, Māori mai, Pasika mai.


He Rongo Pai Rānei ki a Koe?

Mēnā kei te whakaaro koe ki te tono i tētahi karahipi me āta pānui i te arotohu karahipi. Mā tērā e āwhina i a koe ki te whakatau ko t/ēhea te/ngā karahipi hei tono atu māu, ki te whakaoti hoki i te puka tono.

Kua whiwhi karahipi kē koe?

Mēnā ko koe tētahi o ngā kaiwhiwhi i tētahi o ā mātou karahipi, tēnā pāwhiria i konei kia tirotiro i ngā pārongo mō te tono utunga, te herenga me te āwhina i te rapu mahi.

Kei te hiahia āwhina?

Kia maumahara, kei konei mātou ki te āwhina i a koe. Mēnā he pātai āu, me tuku īmēra mai ki teachnz.admin@education.govt.nz

me waea mai rānei i ngā haora mahi ki 0800 165 225.

View page in English

If you would like to view this page in English please click here.

New Zealand Teachers Council New Zealand Education Gazette New Zealand Qualifications Authority Immigration New Zealand