Tahua Ako Mātauranga Reorua
Kua kati ngā tono mō te Tahua Ako Mātauranga Reorua 2018.
Ko te ngako o ngā kōrero kei tēnei whārangi e pātahi ana ki te Tahua Ako Mātauranga Reorua 2018. Kia maumahara tērā ka rerekē ngā kōrero e hiahiatia ana i ia tau, i ia tau.
Tērā ka hiahia koe kia mōhio ki ngā kōrero mō te Tahua Ako Mātauranga - Rumaki Reo Māori. Me pāwhiri i konei mō ētahi atu kōrero mō tēnei tahua.
Mēnā kei te whakaaro koe ki te tono, ka taea hoki e mātou te āwhina i a koe i mua i tō whakakī i tō puka tono. Ka whakareri i a koe anō ki te tono mā te pāwhiri i konei.
Sign up for a reminder email
If you'd like to know when the 2019 application form is available for download, sign up here and we'll send you an email.
He aha te Tahua Ako Mātauranga Reorua?
Me kī, he huarahi te Tahua Ako Mātauranga Reorua e taea ai e tētahi kaiako, tētahi tumuaki rānei, te whakawātea i a ia anō i āna mahi ki te whakapiki i tōna mōhio ki te reo Māori me ngā tikanga Māori me ōna pūkenga anō hei kaiako reorua, rumaki reo Māori rānei.
E hia ngā tahua e wātea mai ana?
I tēnei tau e 18 ngā tahua ako he rite ki te kaiako tūranga pūmau (FTTE) e wātea ana ki ngā kaiako me ngā tumuaki kei ngā whakaakoranga kōhungahunga, kura tuatahi, kura tuarua rānei.
Ka whiwhi aha koe i te tahua?
Ko te kaiako, tumuaki rānei e whiwhi ana i te tahua nei ka whiwhi tonu ia i tana utu ā-tau mai i tōna kura, pokapū kōhungahunga rānei mō te roanga o tōna wā whakamatuatanga.
Āpiti atu ki tēnei, tērā anō tētahi pūtea āwhina, piki atu ki te $2,000 mō te taha ki ngā utu ā-akoranga.
He aha ngā paearu?
Ka taea te Tahua Ako Rumaki Reorua te tono mēnā:
- kua rēhita tūturu koe hei kaiako kōhungahunga, kura tuatahi, kura tuarua
- kua whiwhi mahi ukiuki ki tētahi kōhanga reo, puna kōhungahunga, puna reo, ratonga kura pūhou, kura kāwanatanga, kura tōpū rānei
- e matatau ana ki te reo Māori
- kua mahi kē koe i roto i tētahi kura rumaki reo Māori, kura reorua rānei
- e kaingākau ana koe ki te whakapiki i ngā pūkenga reo Māori me ngā mōhiotanga ki ngā tikanga Māori
- kua whai tautoko koe mai i tō kaituku mahi (tumuaki me te poari kaitiaki, te kura kōhungahunga rānei).
He pēhea e aromatawaitia ai ngā tono?
Ka āta tīrohia ia tono kia kite ai mēnā ku tutuki ngā paearu whakauru katoa kua kōrerotia i runga ake nei. Ka riro mā tētahi pae whiriwhiri, ko ngā tāngata o runga he kanohi nō te Tāhuhu o te Mātauranga, tō tono e aromatawai ki ngā paearu kei te whārangi 2 o te puka tono e rārangi ana.
Whakapā mai
Me he pātai āu tēnā whakapā mai ki Akona a Aotearoa mā te waea atu ki 0800 165 225 īmēra rānei teacher.studyawards@education.govt.nz.